Районти юнармеецсем III степеньлӗ «Юнармейская доблесть» хисеп паллине тивӗҫнӗ

Ҫак кунсенче Уфа хулинче паллӑ пулӑм иртнӗ — районти виҫӗ шкулти юнармеецсен отрячӗсен хастарӗсем III степеньлӗ «Юнармейская доблесть» хисеп паллине тивӗҫнӗ.

Наградӑсене Хушăлкари, Пишпÿлекри 2-мĕш тата 3-мĕш вăтам шкул ачасем илнӗ.

Ку палла кашнине памаҫҫӗ. Ӑна илес тесен юхӑма сахалтан та ҫулталӑк хастар хутшӑнмалла, патриотла мероприятисенче, спорт ӑмӑртӑвӗсенче тата ҫарпа прикладной дисциплинӑсенче пысӑк кӑтартусем кӑтартмалла. Пирӗн ачасем ҫакна тивӗҫлӗ пулнине кӑтартса панă — хӑйсен ӗҫӗпе, дисциплинипе тата ӗҫе чунтан парӑннипе.

Ҫамрӑк армеецсене, вӗсен ашшӗ-амӑшне, вӗрентекенӗсене саламлатпӑр! Ҫӗнӗ ҫӗнтерӳсем тата тепӗр ту тӑррисем патне шанчӑклӑ утӑмсем сунатпӑр. Ҫапла тытăр!

#Юнармия
#ЮнармейскаяДоблесть
#Патриотизм
#МыВместе

Сăнÿкерчĕкĕсем: Пишпӳлек район администрацин социаллă сетьри страницинчен.

https://vk.com/officialbiz