Пушкӑртстанран СВО зонине экскаваторпа питбайк янӑ

Федоровка районӗнчен килнӗ гуманитари колоннине муниципалитет администрацийӗн пуҫлӑхӗ Венер Насретдинов ертсе пынă.

Гуманитари тиевӗн партине СВО зонине Федоровка районӗнчен илсе ҫитернӗ. Гуманитаркӑна фронта муниципалитет администрацийӗн пуҫлӑхӗ Венер Насретдинов ӑсатнӑ.

Федоровка районӗнче пурӑнакансем ентешӗсене фронта экскаватор, «Газель» тата «Нива» автомобильсем, питбайк, бензопӑчкӑсем, бензогенератор, маскировка сеткисем тата окоп ҫуртисем ӑсатнӑ. Насретдинов каланӑ тӑрӑх, кустӑрма техникине ҫар ҫыннисен заявкисем тӑрӑх хатӗрлесе янӑ. Унсӑр пуҫне СВОна хутшӑнакансем ятлă посылкӑсем, пӑшӑхланӑ какай, салӑ, тӑварланисем илнӗ.

«Эпир калаҫнӑ боецсем сÿрĕк мар ентешсене пысӑк тав сӑмахӗ калаҫҫӗ. Вӗсемшĕн тӑрӑшнине хаклаҫҫӗ, вӑл вӗсене чун-чӗре ҫӗкленӗвӗ, пулӑшу парать», — тесе çырнӑ Венер Насретдинов хӑйӗн социаллă сечӗсенче.

Сӑнӳкерчӗкĕ: Федоровка район администрацийӗн пуҫлӑхӗн Венер Насретдиновӑн telegram-каналӗ.

https://www.bashinform.ru/news/svo/2025-10-07/iz-bashkirii-v-zonu-svo-otpravili-ekskavator-i-pitbayk-4417908