Пишпÿлекри тĕп район больници СВО нушисем валли «Нива» панă

Пишпÿлекри тĕп больница пӗрлехи ӗҫе хӑйӗн тӳпине хывнă — ятарлӑ ҫар операцийӗн нушисем валли виҫҫӗмӗш автомобиль панă.

Ку транспортпа ҫул ҫӳрев, шанчӑклӑх тата куҫӑмлӑх уйрӑмах пӗлтерӗшлӗ ҫӗрте усӑ курӗҫ. Вӑл паян хӑйӗн тивӗҫне пурнӑҫлакансене чӑнах та пулӑшасса шанатпӑр.

Ҫак пуҫарӑва хутшӑннӑ мӗнпур сотрудниксене тав тӑватпӑр. Ку пӗтӗмӗшле йышӑну тата пӗтӗмӗшле тӳпе.

Маларах автомобиле больница ӗҫӗнче усӑ курнӑ, анчах та «Вӑрах тата активлă пурнӑҫ» нацпроект шайӗнче больница автопаркне ҫӗнетнӗ хыҫҫӑн ӑна ытти тӗллевсем валли пама май пулнă.

Ӑсатас умӗн машина тулли техника тĕрĕслевӗ витӗр тухнӑ, кӑткӑс условисенче ӗҫлеме хатӗр.

— Эпир ҫакӑн пек тӳпе пӗлтерӗшне ӑнланатпӑр. Малти линире ҫӗнӗ мар автомобиль те усӑллӑ пулма пултарать. Унсӑр пуҫне больница коллективӗ гуманитари пулӑшӑвӗ пухас ӗҫе хастар хутшӑнать, пирӗн ҫар ҫыннисене пулӑшать, — палӑртнă больницан тӗп врачĕ Марат Абдуллин.

Сăнÿкерчĕкĕ: Пишпӳлек районӗн тӗп больницин социаллă сетьри страницинчен.

https://vk.com/bizhbulikcrb