Пишпӳлек районӗнче регионсем хушшинчи чӑваш ача-пӑчапа ҫамрӑксен "Шур ҫӑл" фестиваль-конкурсĕ иртнӗ

 Ҫу уйӑхӗн 20-мӗшӗнче, Пишпÿлек районӗнче регионсем хушшинчи чӑваш ача-пӑчапа ҫамрӑксен "Шур ҫӑл" фестиваль-конкурсĕ иртнӗ, вӑл Туймазă, Уфа хулисенчен, Давлекан, Мияки, Ермекей, Пелепей, Федоровка, Кармаскалă, Аургазă, Пишпÿлек районӗсенчен, ҫавӑн пекех Мускав, Тюмень облаҫӗнчен тата Чӑваш Ен хулисенчен 200 ытла талантлӑ ҫамрӑк артистсене пуҫтарнӑ.

Пишпÿлек районӗн пуҫлӑхӗ Артур Зарипов хӑйӗн саламлӑ сӑмахӗнче ҫак фестивалӗн пӗлтерӗшне палӑртнă, вӑл ҫитӗнекен ӑру хушшинче йӑлана кӗнӗ чӑваш культурине сарма пулӑшӗ.

Конкурсра гран-прине "Юность" вокал ансамблĕ (Кармаскалă районĕ) ҫӗнсе илнӗ.

Конкурса хутшӑннисӗр пуҫне хӑнасем Пишпÿлек ялӗнчи историпе этнографи музейне тата "Биш булэк" этномастерскойне ҫитсе курнă, унтан Культура керменӗн сцени ҫинче Пишпÿлек Культура керменĕн кӑтартуллӑ "Кулиска" театрӗн постановкине "Пӗчӗк принц" юмаха курнă. Вӗрентекен ертÿçисем валли вара жюри членӗсемпе ҫавра сӗтелӗ йӗркеленӗ, унта ача-пӑча пултарулӑх коллективӗсемпе ӗҫлес енӗпе практикӑпа методика сĕнĕвĕсем панӑ.

Сăнÿкерчĕкĕсем: Пишпÿлекри Культура керменĕн социаллă сетьри страницинчен.

Тĕплĕнрех: https://vk.com/bizbulyakdk