Юр, ҫил-тӑман тата пӑр: Пушкӑртстанра канмалли кунсенче ҫанталӑк япӑхланасса кӗтеҫҫӗ

Пушкӑртстанра ҫитес кунсенче активлӑ циклон куҫнипе ҫанталӑк условийӗсем япӑхланасса кӗтеҫҫӗ. Синоптиксен прогнозӗсем тӑрӑх, ноябрӗн 20-21-мӗшӗсенче республикӑри нумай районта юр иртӗ, виҫерен пуҫласа вӑйлӑ таранах йӗпе юр пулӗ. Вырӑн-вырӑнпа ҫил 17-23 м/с, ҫил-тӑман, проводасемпе йывӑҫсем ҫине йӗпе юр ҫыпӑҫни, пӑрлак пулма пултарать. Ҫул ҫинче юр капланчӑкӗсем, пӑрлак, хушӑран 500 м сахалрах курӑнма пултарни ҫинчен ПР МЧСӗ систерет.

Ведомствӑра ҫавӑн пекех паянхи кунран пуҫласа ноябрӗн 19-мӗшӗнче 20 сехетчен республикӑра тӑвӑллӑ асӑрхаттару пулнине те аса илтерчӗҫ. Ҫак тапхӑрта республика территорийӗнче ҫанталӑк пулӑмӗсем пулма пултараҫҫӗ: пысӑках мар юр, ҫил-тӑман, пӑрлак. Кӑнтӑр ҫилӗ, кӑнтӑр-хӗвеланӑҫ 9-14 м/с, хӑш-пӗр тӗлте 15-20 м/с, сывлӑш температури ҫӗрле -4, -9, ҫурҫӗр тата ту-сӑртлӑ районсенче -13, -18°, кӑнтӑрла 0, -5°. Автоҫулсен уйрӑм участокӗсенче тӗтре, курӑнӑв 500-1000 м.

«Башинформ» ИА материалӗсем тӑрӑх.

Юр, ҫил-тӑман тата пӑр: Пушкӑртстанра канмалли кунсенче ҫанталӑк япӑхланасса кӗтеҫҫӗ

Автор:

Читайте нас в