Юристсем 2022 ҫулта пенсие тухмалли ҫула палӑртнӑ

"2022 ҫулхи пӗрремӗш ҫур ҫулта 56,5 ҫула ҫитнӗ хӗрарӑмсем тата 1965 ҫулӑн иккӗмӗш ҫурринче ҫуралнисем ватлӑхпа пенси тӳлевне илме пултараҫҫӗ. Арҫынсем пирки калас пулсан, вӗсем пенси тӳлевне 61,5 ҫул тултарсан илме пуҫлӗҫ. Граждансен пӗтӗм категорийӗшӗн пенси коэффициенчӗ ӳсет — 21-тен 23,4 балл таран, ҫавӑн пекех пенси тӳлеме стаж — 12 ҫултан 13 ҫул таран", - пӗлтерчӗ юридически наукӑсен докторӗ Иван Соловьев.

Юрист 42 ҫул ытла ӗҫленӗ арҫынсем пенсие икӗ ҫул маларах-60 ҫулта тухма пултарнине палӑртнӑ. Хӗрарӑмсем пенсие 55 ҫулта тухма пултараҫҫӗ, вӗсен 37 ҫул ӗҫ стажӗ пур пулсан.