Радий Хабиров отпускне «Красноусольскра» ирттерет

Пушкӑртстан Пуҫлӑхӗ Радий Хабиров «Красноусольск» санаторире отпуск ирттернине, канӑва республикӑри санаторисене аталантарассипе ӗҫлекен канашлупа пӗрлештернине социаллă сетьсенче пӗлтернӗ. Вӑл санаторисене канмалли чи лайӑх вырӑн тенӗ, вӗсем регионта пурӑнакан пин-пин ҫын тата хӑнасем хушшинче чапа тухнине палӑртнӑ.
Регион ертӳҫи патшалӑхӑн сакӑр санаторийӗ республика харпӑрлӑхӗнче юлмалли калама ҫук пысӑк ресурс пулнине палӑртнă. Вӑл палӑртнӑ тӑрӑх, ҫак учрежденисем социаллӑ пӗлтерӗшлӗ ӗҫ пурнӑҫлаҫҫӗ, ҫав шутра СВОна хутшăнакансемпе вӗсен ҫемйисене сывлӑхне ҫирӗплетме пулӑшаҫҫӗ.
Радий Хабиров каланӑ тӑрӑх, санаторисем ӑнӑҫлӑ предприятисем шутланаҫҫӗ, вӗсен пулӑшӑвӗ кирлӗ, вӗсем хӑйсен аталанӑвне укҫа-тенкӗ лайӑх ӗҫлесе илеҫҫӗ, реинвестацилеҫҫӗ. Тӗслӗх вырӑнне вӑл «Красноусольска» илсе кӑтартнӑ, унта хӑйсен укҫи-тенкипе номер фондне 200 вырӑна ӳстерме палӑртнӑ.
Ачасен санаторипе курорт сиплевне уйрӑм тимлӗх уйӑрнӑ. Радий Хабиров «Красноусольск» тата инҫех мар вырнаҫнӑ Красноусольскри ача-пӑча санаторийӗн ертӳҫисене инфратытӑма лайӑхлатас енӗпе сӗнӳсем хатӗрлеме хушнӑ, вӗсене кӗркунне тӗплӗн сӳтсе явӗҫ.
Сӑнӳкерчӗкĕ: Радий Хабировӑн социаллă сечӗсем.
https://mgazeta.com/news/novosti/2026-07-30/radiy-habirov-provodit-otpusk-v-krasnousolske-4766871