Андрей Назаров ТКО тыткалас сферӑра ӗҫ мӗнле пынине каласа панă

Пушкăртстанри «Экология-Т» компани коммуналлӑ хытӑ каяшсене тыткалас сферӑра ӗҫлекен предприятисен рейтингӗнче 10-мĕш вырӑн йышӑннӑ.
Раҫҫей экологи операторӗ ҫакӑн пек рейтинг пуҫласа тунӑ. Экспертсем хутшӑнакан 167 компанине хакланӑ. Ҫӳп-ҫапа пӗр чӑрмавсӑр турттарса тухнине, тӳлевсем пуҫтарӑннине, халӑх кӑмӑлне тивӗҫтермелли шайне тата ытти параметрсене шута илнĕ. Андрей Назаров каланӑ тӑрӑх, "Экология-Т" 10-мĕш вырӑн йышӑнни лайӑх кӑтарту теме пулать.
Премьер-министр Пушкăртсен правительстви каяшсене тыткалас сферӑра системӑллӑ ӗҫ туса хума тӑрӑшнине, республика Пуҫлӑхӗ вара ку ĕçе хӑй тĕллесе пынине пӗлтернӗ.
Ҫавӑн пекех Назаров кӑҫал Туймазă районӗнче ҫӳп-ҫапа уйăракан комплекс тата Дуван районĕнче ҫӳп-ҫапа пуҫтаракан цех ӗҫлеме тытӑннă тесе хушса хунă. Баймак патӗнче ҫӳп-ҫапа уйăракан комплекс, органика каяшӗсене компост тăвакан полигон тума тытăннă. 2025 ҫулччен Краснокамск, Дюртюли, Пелепей, Благовещенск тата Уфа районӗсенче çÿп-çапа тирпейлемелли, утилизацилемелли, вырнаçтармалли енĕпе ĕçлеме тытăнĕç.
"МГ" информацийĕпе.