Регионти "Симӗс планета" конкурса пӗтӗмлетнĕ

Пӗтӗм Раҫҫейри "Симӗс планета" ача-пӑча экологи форумӗн регионти тапхӑрӗ вӗҫленнӗ.
Конкурсӑн регионти тапхӑрне Пишпÿлекри 2-мӗш вăтам шкулта вӗренекенсем те ӑнӑҫлӑ хутшăннă.
"Ачасен куҫӗпе Симӗс планета" номинацире Влада Михайлова , 4б класра вӗренекен (ертӳҫи – Н.Г. Семенова) ҫӗнтерӳҫӗ пулса тӑнă.
Конкурса тӑратнӑ ӗҫсен пысӑк шайӗшӗн патшалӑх бюджет учрежденийӗн хушма вӗренӳ учрежденийӗн дипломӗсемпе "Ҫутҫанталӑк. Культура. Экологи" номинацире наградӑланӑ:
- 9 класра вӗренекен Анна Егарминана тата Илья Сидорова (ертӳҫи - О. Г. Сидорова);
- 7в класра вӗренекенсен пултарулӑх коллективне (ертӳҫи - О. Г. Сидорова).
Ачасене саламлатпӑр, пур ӗҫре те малашнехи ҫитӗнӳсем сунатпӑр!
Пишпÿлекри 2-мӗш вăтам шкулăн социаллă сетьри страницинчен.