Пушкӑртстанра халӑхран килекен хӑрушӑ каяшсене утилизаци тума кӑмака хута янă

Установкӑна Буздяк предпринимателӗсем ҫӗнетнӗ, вӗсем республикӑри промышленноҫ предприятийӗсенчен ҫеҫ мар, уйрăм çынсенчен те хӑрушлӑха йышӑнма хатӗр.
ПР Правительствин пресс-службинче каланӑ тӑрӑх, сӑмах ҫулталӑкне 3,5 пин тонна каяш туса хатӗрлекен пиролиз кӑмаки ҫинчен пырать. Вӗсем - шинӑсем, чугун ҫул шпалӗсем, медицина тата биоотходсем, нефть шламӗсем тата ҫутҫанталӑкра ҫӗрсе экологи сиенĕ кӳрекен ытти япаласем.
Установка уйрӑмлӑхӗ акӑ мӗнре: тирпейлени кислородсăр хутлӑхра, урӑхла каласан, атмосферӑна нимте кӑлармасӑр пулса пырать, производство вара цикллӑ та пӗр кӑлтӑксӑр пулса тухать. Унсӑр пуҫне, пиролиз топливи тирпейлемелли процесра пулать, ӑна хаклах мар пирки вырӑнти фермерсем хаваслансах туянаҫҫӗ. Ҫавӑн пекех предпринимательсем газа электроэнергине çавăракан электрогенератор лартма палӑртнӑ.
МИХ социаллă сетьри страницинчен.

Сӑнӳкерчӗкĕ: ПР Правительствин пресс-служби.