Электричкăпа çур хакпа çÿреме пулать

Пушкӑртстанра шкул ачисем тата студентсем электричкӑсемпе ҫур хакпа ҫӳреме пултараҫҫӗ.

Пушкӑртра сентябрӗн 1-мӗшӗнчен пуҫласа вӗренекенсем электричкӑсенче çул çÿреме валли 50 процент скидка илӗҫ. Шкул ачисене 7 ҫулхисенчен пуçласа тата вузсен, ссузсен, пуҫламӑш профучилищесенчи студентсене ҫӑмӑллӑх параҫҫӗ.

Шкул ачисен справка кӑтартмалла, иккӗмӗшӗсем — студент билетне.

 Челябинск облаҫӗ тӑрӑх ҫӳренӗ чухне те çак виҫепе скидка пулать, Оренбург территорийĕнчи дисконт 25 процентпа танлашать, пӗлтернӗ ПР Транспорт министерствинче.

Сăнÿкерчĕкĕ: Пушкăртстан Транспорт министерстви.