Сибайри Инвестсабантуйра Валерия юрăçă хедлайнер пулать

Сибайри Инвестсабантуйра Валерия юрӑҫӑ юрлать, пӗлтерет оргкомитет.

Юрăçăн выступленийĕ «Зауралье» МФК уҫӑ площадкинче пулать. Хамăр çĕршыв эстрада ҫӑлтӑрӗ кӑмӑла кайнӑ композицисем тата ҫӗнӗ юрӑсем те юрласа парать. Пӗтӗм Раҫҫейри «Зауралье-2021» инвестици сабантуйӗ сентябрӗн 10-мӗшӗнче, Пушкӑртстанри стратегилле пуҫарусен Агентстви тата Правительство пулӑшнипе иртет.

Форум программи ӗҫлӗ тата культура программисене пӗрлештерет. Унта хутшӑнакансене промышленноҫ комплексне, ял хуҫалӑхне, шалти туризма тата экономикӑна аталантармалли темӑсене, ҫавӑн пекех гастрономипе музыка фестивалӗсене халалланӑ стратеги сессийӗсем кӗтеҫҫӗ. Раҫҫей влаҫӗн, бизнес-пӗрлӗхӗн тата культура представителӗсем кӑна мар, ют ҫӗршыв спикерӗсем те килессе кӗтеҫҫӗ.

Пысӑк культура программи хатӗрленӗ. Хедлайнер Валерия пулать. Унăн выступленийĕ 22.00 сехетре пуҫланать.

Сибай хулинче пурӑнакансемшӗн «Зауралье» МФК уҫӑ площадкине кӗме тÿлевсĕр пулать. Каҫ кульминацийӗ уяв фейерверкӗ пулать.

«Зауралье» форумри мĕнпур мероприятисем Роспотребнадзор сĕнĕвĕсене пурне те пăхăнса иртет. Мероприяти иртекен кун регистрациленнĕ чухне 72 сехетрен кая мар маларах тунă ПЦР-тест тăратмалла.

 «Башинформ» информацийĕпе.