Раҫҫейре тӑван ҫӗршыв автомобилӗсем хаклăланнă

Раҫҫейре пуш уйӑхӗн 16-мӗшӗнчен пуҫласа "АвтоВАЗ" концерн производствин мӗнпур машинисен хакĕсем ÿсеççĕ.

Палӑртнӑ тӑрӑх, LADA Niva Legend внедорожникăн база комплектацийӗн хакӗ ҫӗнӗ хакпа 819 пин тенкӗ (+42 пин тенкӗ), LADA Granta седан — минимум 728 пин тенкӗ (+43 пин), LADA Niva Travel — 1,1 млн тенкӗ таран (+63 пин тенкӗ).

Максималлӑ индексаци универсал LADA Largus кӗтет, вӑл 132 пин тенке хаклăланнă, халӗ ӑна автосалонсенче 1,2 млн тенкӗпе туянма пулать.

Унсӑр пуҫне официаллӑ дилерсем машинӑсемпе планпа техосморт ирттернин  хакӗ ÿсет — 400 тенкӗрен пуҫласа 12700 тенкӗ таран, модельпе ӗҫ кӑткӑслӑхне кура ӳсӗ.

 «Башинформ» информацийĕпе.