Сибай пӗтӗм Раҫҫейри "Зауралье-2022" инвестици сабантуйӗн хӑнисемпе хутшӑнакансене йышӑнать

Сибайра паян, июнӗн 2-мӗшӗнче, Пӗтӗм Раҫҫейри "Зауралье-2022" инвестици сабантуйӗ пуҫланать, вӑл июнӗн 4-мӗшӗччен тӑсӑлӗ. Мероприятие йӗркелекенсем Пушкӑртстан правительствипе стратегилле пуҫарусен агентстви пулса тăраççĕ.

Инвестици сабантуйне Раҫҫейрен, инҫетри тата ют ҫӗршывсенчен пин ҫурӑ хӑнана яхӑн, çав шутра Беларуҫ, Казахстан, Узбекистан, Турцирен тата ытти ҫӗршывсенчен те хутшӑнӗҫ. Мероприятие федераци тата регионти влаҫ органӗсен, Раҫҫей тата ют ҫӗршыв бизнесӗн представителӗсене, инвесторсене, экспертсене, патшалӑх тата общество деятелӗсене чӗннӗ.

Профиль секцийӗсемпе пленум ларӑвӗсенче хутшӑнакансем инвестици ӗҫ-хӗлӗн опычӗпе тата инвестицисене явӑҫтарнин опычӗпе улшăнаҫҫӗ, ҫавӑн пекех Раҫҫей регионӗсенче хӑтлӑ бизнес-климата йӗркелемелли меслетсене сӳтсе яваҫҫӗ. Экологи, туризма аталантарас, транспорт инфратытӑмне аталантарас, хӑтлӑ хула хутлӑхне йӗркелес ыйтусене те уйрӑмах тимлӗх уйӑрӗҫ.

Унсӑр пуҫне, сабантуй вӑхӑтӗнче регионӑн инвестици вӑй-хӑвачӗн куравӗ ӗҫлӗ. Форумӑн тӗп темине "AntiSanction REGIONS: ҫӗнӗ экономика реальноҫӗ" пленум ларӑвӗнче уҫӗҫ. Инвестици сабантуйӗн программи анлӑ. Ҫапла пӗрремӗш кун регионсен хушшинчи пӗрремӗш форумне бизнес-шерифсем уҫӗҫ. Ҫак мероприяти шайӗнче Белгород, Липецк облаҫӗсенчен, Ставрополь крайӗнчен тата ытти регионти ӗҫтешсем бизнес-шерифсен институтне ӑнӑҫлӑ пурнӑҫламалли опычӗпе паллашаҫҫӗ.

Пӗтӗм Раҫҫейри "Зауралье-2022" инвестици сабантуйӗнче Пушкӑртстан 20 ытла килӗшӗве алӑ пусма палӑртнӑ.

Баймак районӗнчи Сабантуйра форум вӗҫленӗ, унта хӑнасем халӑх уявне хутшӑнӗҫ, Пушкӑртстанри культурӑпа этнос тӗнчипе туллин паллашма май илӗҫ.

 «Башинформ» информацийĕпе.