Пушкăртстанра 2025 çул тĕлне 786 почта уйрăмне юсаççĕ

Генеральнӑй директор, правлени председателӗ, "Раҫҫей Почти" компанин директорӗсен совечӗн членӗ Максим Акимов Петербургри пӗтӗм тӗнчери экономика форумӗн площадкинче Пушкӑртстан Пуҫлӑхӗпе Радий Хабировпа тӗл пулнин тӗп тезисӗсем ҫинчен пӗлтерчӗ.
"Темиҫе тема пӑхса тухнӑ. Кӑҫал эпир программӑна ӑнӑҫлӑ пурнӑҫлатпӑр, 20 отделени юсатпӑр, анчах пире ҫӗршер отделени кирлӗ. Хулари уйрӑмсене юсамалли программӑна эпир регионпа пӗрле софинанслатпӑр, Уфара сортировка центрӗн логистика объекчӗсене тӑватпӑр тата хута яратпӑр. Повестка питӗ пысӑк, пирӗншӗн Пушкăртстан тĕп регион, пирӗн Атӑл тӑрӑхӗнче пур чухне, ҫавӑнпа та пирӗн регион пулӑшӑвне туймалла, эпир ӑна туятпӑр", - тенӗ Максим Акимов.
Пушкӑртстанра "Раҫҫей почтин" ялти 1030 уйрӑмĕ вырнаҫнӑ, вӗсем республикӑра пурӑнакан 1,5 млн ҫынна пулӑшаҫҫӗ. Ҫӗршыв Президенчӗ Владимир Путин хушнипе Пушкӑртра 2025 ҫулччен почтӑн 786 уйрăмне юсаççĕ, вӗсенчен 20-шне - кӑҫал. Компани енчен почта уйрӑмӗсене юсама инвестицисен пӗтӗмӗшле сумми 2 миллиард тенкӗпе танлашать.
Сăнÿкерчĕкĕ: ЦУР.
"Башинформ" информацийĕпе.