Пушкӑртстан районĕсем Абхазин икӗ регионӗпе килӗшӳ тунӑ

Пушкӑртри Бурзян тата Мелеуз районӗсен администрацийӗ Абхазин Гагр тата Очамчыр районӗсемпе килӗшӳсем алӑ пуснӑ.

Алӑ пусни Пушкӑртстанпа Абхази делегацийӗсемпе тӗл пулнӑ чухне  иртнĕ, пӗлтерет "Башинформ" информагентство.

Парламентсен хушшинчи пӗр-пӗринпе ҫыхӑнса ӗҫлемелли малашлӑхсем ҫинчен икӗ регионти спикерӗсем Абхази парламенчӗн — Халӑх пухӑвӗн – Лаша Ашуба тата ПР Патшалӑх Пухӑвӗн – Курултайӑн Константин Толкачев калаҫнă.

Республика правительствин Премьер-министрӗ Андрей Назаров тулаш экономика ҫыхӑнӑвӗсен малашлӑх вӑй-хӑвачӗ пулнине палӑртнă.

– Пушкӑртстан 128 ҫӗршывпа хастар ҫыхӑнса ӗҫлет. Регионăн тулашри суту-илӳ ҫаврӑнӑшӗ 2021 ҫулта 4,5 миллиард доллартан иртнӗ. Ҫав хушӑрах Абхазин тӳпине 14,6 млн доллар ҫеҫ тивет, — пӗлтернӗ вӑл. — Пирӗн республика Абхазирен Уралпа Атӑл тӑрӑхӗнчи регионсене таварсем куҫарма логистика центрӗ пулма хатӗр. Тата ялхуҫалӑх тата промышленноҫ продукцине Сухума экспортлама та.

https://resbash.ru/news информацийĕпе.

Сăнÿкерчĕкĕ: ПР Пуçлăхĕн пресс-служби.