«Кока-Кола» тата «Фанта» евӗр пылак шыв кӑларма тытӑннӑ

Юлашки темиҫе уйӑхра пирӗн ҫӗршыв тӗрлӗ санкцие парӑнмасӑр экономикӑна аталантарма ҫине тӑрса тӑрӑшать. Пирӗн патра ӗҫлеме пӑрахнӑ пысӑк усламҫӑсем вырӑнне вырӑнтисем йӑпӑр-япӑр йышӑнаҫҫӗ.
Шупашкарта, ав, «Букет Чувашии» фирма «Кока-Кола» тата «Фанта» евӗр пылак шыв кӑларма тытӑннӑ. Газлӑ ҫав шыва авӑн уйӑхӗн 1-мӗшӗнче кӗленчене пуҫласа тултарнӑ.
«Кока-Кола» тата «Фанта» евӗр тутиллӗ пылак шыва хальлӗхе Шупашкарти лавккасенче, «Дикий Лось» тата «Сахарок» суту-илӳ сечӗсен магазинӗсенче сутаҫҫӗ. Ҫывӑх вӑхӑтра продукцие федерацин Атӑлҫи тӑрӑхӗнчи регионӗсене ӑсатма палӑртаҫҫӗ.
#лавккасем, #экономика, #предприятисем, #апат-ҫимӗҫ
Хыпар ҫӑлкуҫӗ: http://xn--80adtqegosnyo.xn--p1ai/archives/33370