Пушкӑртстанра "Зауралье-2023" инвестсабантуй шайӗнче Регионсем хушшинчи II бизнес-шерифсен форумӗ пулать

Пӗтӗм Раҫҫейри "Зауралье" инвестици сабантуйӗ ҫу уйӑхӗн 25-мӗшӗнчен пуҫласа 27-мӗшӗччен Сибайра иртет. Ун шайӗнче вара майӑн 25-мӗшӗнче "Предпринимательлӗх трансформацийӗ. Идейӑран пуҫласа решение ҫитиччен" регионсем хушшинчи II бизнес-шерифсен форумӗ иртет.
ПР Правительствин премьер-министрӗн пӗрремӗш заместителӗ - республика экономика аталанӑвӗпе инвестици политикин министрӗ Рустам Муратов паян бизнес-шерифсем муниципалитетсенче бизнес пулӑшӑвӗ енӗпе тулли информаци паракан тӗп фигурӑсем шутланаҫҫӗ тесе шутлать. Вӑл каланӑ тӑрӑх, шерифӑн тӗп тӗллевӗ – предпринимательлӗхе вырӑнсенче аталантарассине лайӑх ӗҫлӗ климата йӗркелессипе тивӗҫтересси.
Пушкӑрт Республикинчи предпринимательлӗх тата туризм министрӗ Рустем Афзалов мероприятие хутшӑнакансене тулли программа кӗтни ҫинчен каласа панӑ. Вӑл форумри ӗҫ программи вак бизнесри лару-тӑрӑва, вак тата вӑтам предпринимательлӗх субъекчӗсене патшалӑх пулӑшӑвӗ памалли ыйтусене, вӗсен тухӑҫлӑхне кӑтартмалли ыйтусене тишкерсе тухассине, патшалӑхпа бизнес пӗр-пӗринпе ҫыхӑнса ӗҫлес сферӑри опытсемпе тата малти практикăсемпе улӑштарассине ӑнлантарса панă.
Пушкӑрт Республики регионсен инвестици хастарлӑхӗн тӑрӑмӗн наци рейтингӗнче малтисен йышне кӗрет. Раҫҫей Федерацийӗн Правительствин председателӗн пӗрремӗш заместителӗ Андрей Белоусов ҫак ҫитӗнӗве бизнес-шерифсен ӗҫӗпе те ҫыхӑнтарнӑ. Пушкӑртстанри институт тӑвас енӗпе тунӑ опыта Раҫҫейре тиражлама сӗннӗ.
https://mgazeta.com/news/novosti/2023-05-04/v-bashkortostane-v-ramkah-investsabantuya-zauralie-2023-sostoitsya-ii-mezhregionalnyy-forum-biznes-sherifov-3244762