Раҫҫейпе Беларуҫ регионсен X Форумӗнче "Амкодор" компанин производствине старт парӗҫ

Беларуçри "Амкодор" компани пухса кӗртнӗ хыҫҫӑн тырра тирпейлемелли машинӑсем тата оборудовани туса кӑларакан завод кӑҫалхи июнь уйӑхӗнче уҫӑлать, пӗлтерет ПР Правительствин пресс-центрӗ аталанӑвӑн регионти корпорацийӗн информацине тĕпе хурса.
Пушкӑртстан Правительствин премьер-министрӗн пӗрремӗш заместителӗ, республика экономика аталанӑвӗн тата инвестици политикин министрӗ Рустам Муратов "Амкодор" компанин оборудовани производствин стартне Пушкӑрт Республикинче июнӗн 26-мӗшӗнчен пуҫласа 28-мӗшӗччен иртекен Раҫҫей тата Беларуҫ регионӗсен X форумӗнче старт парасси ҫинчен каласа панă. Предприяти "Уфимский" индустри паркӗнче вырнаҫӗ, унта халӗ комплекс тӑвасси пырать, - палӑртнӑ вӑл. - Стройка пӗлтӗр сентябрь уйӑхӗнче пулас завод никӗсне хывмалли вӑхӑт капсулине чаплӑ церемонинче хунинчен пуҫланнă. Ун чухне мероприятие Пушкӑртстан Пуҫлӑхӗ Радий Фаритович Хабиров тата Беларуҫ Республикин Премьер-министрĕ Роман Александрович Головченко хутшӑннӑ".
Ку объектра строительство ӗҫӗсене Пушкӑрт Республикинчи аталану корпорацине туса пыма хушнӑ. ПР аталану корпорацийӗн генеральнӑй директорӗ Наиль Габбасов "Уфимский" индустри паркӗн управляющийӗ пулса тӑракан аталану корпорацийӗ умӗнче строительствӑна хута янӑ чухне ҫӗнӗ производство комплексне оперативлӑ йӗркелес задача тӑнине ӑнлантарса панӑ.

https://mgazeta.com/news/novosti/2023-05-04/na-x-forume-regionov-rossii-i-belarusi-budet-dan-start-proizvodstvu-kompanii-amkodor-3244872

Сăнӳкерчӗкӗ: pravitelstvorb.ru

\