Радий Хабиров Казахстанри Пушкӑрт делегацийӗн ӗҫӗн малтанхи пĕтĕмлетĕвĕсене кӑтартнӑ

Астанара "Казахстан-Пушкӑртстан" бизнес–форумăн площадкинче республика Пуҫлӑхӗ Радий Хабиров журналистсемпе калаҫнӑ чухне Казахстанпа экономика тата гуманитари партнерствине йӗркелемелли тӗп принципсем ҫинчен каласа панӑ тата Пушкӑртстанӑн делегацийӗ ют ҫӗршыва пулнин пӗрремӗш пĕтĕмлетĕвĕсене тунӑ.
Радий Хабиров Казахстанпа Пушкӑртстана пӗрлӗхлӗ тымарсем никӗсленни тата тӑванла ҫыхӑнусем ҫыхӑнтарнине палӑртнӑ.
Икӗ ен хушшинче таварҫаврӑнӑшӗ ӳсет – 2023 ҫулхи 11 уйӑх итогӗсем тӑрӑх вӑл 422 млн доллартан та пысӑкрах, анчах тӗллеве анлӑрах лартнӑ: чи малтан промышленноҫ кооперацине аталантармалла, предприятисем уҫмалла, инвестици хывмалла. Казахстанра "Урал пружин завочӗ" тӑваҫҫӗ, "Медьстальконструкци" производство йӗркелет. Чылай компани ҫӗр лаптӑкӗсене йӗркелес тӗлӗшпе ӗҫлет.
Культура сферинче ӗҫлесси ҫинчен калаҫнӑ май Радий Хабиров пултарулӑх коллективӗсем, сӑмахран, оперӑпа балет театрӗн Пушкӑрт коллективӗсем Казахстана гастрольсемпе килесси ҫинчен каласа панă. Ҫавӑн пекех Пушкӑрт делегацийӗ Казахстана куҫса ҫӳрекенсен Пӗтӗм тӗнчери вӑййисене килет.
Визитӑн малтанхи итогӗсене пӑхса тухнӑ май Пушкӑртстан Пуҫлӑхӗ Казахстан ертӳҫисемпе калаҫнӑ чухне Пушкӑртстанпа пӗрле ӗҫлессипе чӑннипех интересленсе кайнине палӑртнӑ. Пирӗн республикӑшӑн Казахстан тулашри экономикан тĕп партнерӗ.

https://mgazeta.com/news/novosti/2024-01-24/radiy-habirov-podvyol-pervye-itogi-raboty-delegatsii-bashkirii-v-kazahstane-3616306