Районта çулсене юсама пуçланă

Пушкӑртра çул çинчи шăтăксен юсавӗ пуҫланнă. ЦУРти регион правительствин оперативлӑ канашлӑвӗнче çакӑн пек поручени Пушкӑртстан Пуҫлӑхӗ панă. Радий Хабиров шухӑшӗпе, юр ирӗлсенех, шӑтӑк-путӑк ыйтӑвӗ ҫивӗччӗн ӳссе ларӗ, ҫавӑнпа та халех пысӑк мерӑсем йышӑнмалла.

"Халех ҫивӗч ыйту сиксе тухӗ – ку çул çинчи шӑтӑк-путӑк юсавӗ. Ҫулсем уҫӑлчӗҫ ӗнтӗ, сивӗ асфальтпа юсама активлӑ тухмаллине куратпӑр. Майӗпен ҫав ӗҫе уҫма тытӑнӑр, - хушнă республика Пуҫлӑхӗ. – Ҫуркунне, ҫулсене "татать". Хӗлле температура режимӗ питӗ кӑткӑс пулнӑ. Тархасшӑн, çул çинчи путăксене юсама тытӑнӑр. Пӗчӗк проблема, анчах ҫынсене питӗ тарӑхтаракан проблема".
Сăнÿкерчĕкĕсем: Владимир Смолов.