«Мастерица» ательене экскурси!

Ӑстасем ӗҫе ячӗҫ

Йӗпсем, хачӑсем, утюг.

Ҫӗлеме пӗлсе тытӑнчӗҫ

Вӑр-вар, вӑр-вар алӑсем нумай!

Сирӗн заказа илӗр —

Пурте май килнӗ таран, шӑп та лӑп!

Шкул ҫулне ҫитмен аслӑ ачасене профессисен тӗнчипе паллаштарас тӗллевпе Пишпÿлекри «Улыбка» ача сачӗн «Почемучки» аслӑ ушкӑн воспитанникӗсем «Мастерица» ательене ҫитсе курнӑ!

Ачасене ателье хуҫи — ылтӑн алӑллӑ чӑн-чӑн ҫын, Лилия Гаязовна кӗтсе илнӗ. Вӑл ачасене тумтир ҫӗлекен, юсакан ҫӗвӗ цехӗпе ӑшшӑн та хавхаланса паллаштарнă. Ачасем хитре япаласем ӑҫта ҫуралнине курнă, тума калӑпӑшӗпе ҫӗличчен виҫесене тӗрӗс илмеллине пӗлнĕ.

Ачасене хальхи йышши оборудовани уйрӑмах савӑнтарнă: тикӗс ҫӗвӗсем меллӗн ҫӗлекен электричество ҫӗвӗ машинисемпе оверлоксем, ҫавӑн пекех чи йывӑр хутламсене ҫӗнтерекен пӑспа ӗҫлекен утюг!

Ательере тӗрлӗ фурнитура пур: ҫутӑ тӳмесем, меллӗ кнопкӑсем, илемлӗ хӑю, ҫип тата ал ӗҫ хатӗрӗсем — куҫ алчăраса каять!

Тӗлпулу вӗҫӗнче кашни ача парне вырӑнне ҫутӑ кӑтартакан значок илнӗ — усӑллӑ та, илемлӗ те!

Экскурси ачасен ҫӗвӗҫпе закройщица профессийӗ пирки шухӑшӗсене анлӑлатнă кӑна мар, вӗсен сӑмахлӑх запасне те самай пуянлатнă. Ҫакӑн пек чӗрӗ туйӑмсем нумайлӑха асра юлаҫҫӗ!

Лилия Гаязовнана интереслӗ калавшӑн, тараватлӑхшӑн тата хӑйӗн ӗҫне юратнӑшӑн пысӑк тав!

#деньзаднем
#УлыбкаБижбуляк

Сăнÿкерчĕкĕсем: Пишпÿлекри «Улыбка» ача сачӗн социаллă сетьри страницинчен.

https://vk.ru/club218299771