Пишпÿлекре Çемье, юрату тата шанчӑклӑх кунне паллӑ тунă

Июлӗн 8-мӗшӗнче Пишпÿлекĕн тӗп площачĕ ҫемье хӑтлӑхӗпе тулнă! Пишпÿлекре Çемье, юрату тата шанчӑклӑх кунне паллӑ тунă. Площадьре пурнӑҫ вӗресе тӑнă: пӗри ГТО парать, тепри кулинари искусствинче ӑмӑртать, ачасем вара хаваслӑ площадкӑсемшӗн савӑнаҫҫӗ кӑна. Кашни хӑйне килӗшекен ӗҫ тупнӑшӑн йӗркелӳҫӗсене тав.
Саламласа район администраци пуҫлӑхӗ Александр Семенов тухса калаҫнă — ӑс памалли сӑмахсем чун-чӗререн, аттерен пек янӑранă. Ҫветтуй Троица Храмӗн настоятелӗнчен Владимир Егарминран ырӑ вӗрентӳсем илтӗннĕ.
Анчах чи чуна пырса тивекен самант ҫемьесене наградӑласси пулнă.
Хушăлка ялӗнчи Ковальцовсен ҫемйи — Наталия Венеровнапа Валентин Николаевич — «Юратупа шанчӑклӑхшӑн» медале тивӗҫнӗ. Мӑшӑрсем пĕрлешни 25 ҫул ытла, виҫӗ ача ҫитӗнтерет. Ҫур ӗмӗр ытла килӗштерсе пурӑнакан ҫемьесем уйрӑм тимлӗхре пулнă: Марат Тагировичпа Назия Хасановна Фаттаховсем — 60 ҫул ытла; Петр Николаевичпа Мария Георгиевна Даниловсем— 50 ҫул ытла; Юлий Анатольевичпа Валентина Степановна Митюковсем — 50 ҫул ытла.
Габидуллинсен тин ҫуралнӑ ачишĕн уйрӑм алӑ ҫупма тивӗҫнӗ — вӗсене ҫак кун уйрӑмах ӑшшӑн чысланӑ.
Уяв концертӑн ҫутӑ номерӗсемпе, ача-пӑча вӑййисемпе тата чӑннипех те ӑшӑ атмосферӑпа вӗҫленнӗ.
Уяв вӗҫленсен ҫемьесем площадьрен саланма васкаман, эппин, уяв ӑнӑҫлӑ пулнă!

Сăнÿкерчĕкĕсем: Пишпӳлек район администрацин социаллă сетьри страницинчен.

https://vk.com/officialbiz