Кистенлӗри ял библиотекиче информаципе литература сехечӗ ирттернӗ

Пирӗн аттесене халалласа октябрӗн виҫҫӗмӗш вырсарникунӗнче Раҫҫейре ҫемьери ӑшӑ уява – Атте куне — паллӑ тӑваҫҫӗ. Атте аннепе пӗрле чи тӑван та ҫывӑх ҫын. Ҫавӑнпа та Атте кунӗ ҫулран-ҫул сарӑлса пынинчен пӗрре те тӗлӗнмелли ҫук. Ара, ҫак уявра аҫуна хӑвăн юратӑвупа хисеплени ҫинчен тепӗр хут калама, вӑл мӗн тери пӗлтерӗшлӗ те кирлĕ пулнине кӑтартма пулать-ҫке. Лайӑх атте пуласси — арҫын пурнӑҫӗнчи чи яваплӑ та кирлӗ ӗҫ. Атте яланах ывӑлӗшӗн тӗслӗх пулма, хӗрӗшӗн ырӑ асамҫӑ пулма ӑнтӑлать. Ҫаксене пурне те юратса, чӑтӑмлӑн вӗрентме, каласа пама, хӳтӗлеме, ӑнлантарма, тума — ун пеккине атте кӑна пултарать.

Кистенлӗри ял библиотекиче октябрӗн 16-мӗшӗнче уяв умӗн вулакансем валли «Чи лайӑх атте» информаципе литература сехечӗ ирттернӗ. Библиотекарь уяв историйӗ ҫинчен, ҫавӑн пекех ӑна ытти ҫӗршывсенче мӗнле паллӑ туни ҫинчен каласа панă.

Мероприяти тӗлне «Атте — мӑнаҫлӑ янӑрать!», унта вырӑс классикӗсен атте сӑнарне тата ачасемпе ашшӗ-амӑшӗ хушшинчи ҫӑмӑл мар хутшӑнусене уҫса паракан хайлавӗсене кӑтартнӑ. Библиотекарь литературӑна кӗскен пӑхса тухнӑ.

Сăнÿкерчĕкĕсем: Кистенлĕри библиотекăн социаллă сетьри страницинчен.

https://vk.ru/club225023692