Хабиров пандемие пăхмасăр, республикăра халăх йышлă пухнă мероприятисем мĕн тума ирттернине ăнлантарчĕ

Фольклориада, WorldSkills финалне тата кӗрешӳ енӗпе тӗнче чемпионатне мĕншĕн ирттерни ҫинчен ыйтăва Пушкӑртстан Пуҫлӑхӗпе тӳрĕ лини вăхăтĕнче калаҫнӑ.
Радий Фаритович каланӑ тӑрӑх, ҫак мероприятисенчен кашниех республикӑшӑн хӑйӗн историйӗ тата пысӑк пӗлтерӗшлӗ.
- Кашнинчех эпир сиенпе усси хушшинче шайлашу шыратпӑр. Эпир ытларах усӑ паракан япаласене мала хутăмăр. Хальхи лару-тӑру пире хупӑнса ларса нимĕн те тумасла ытлашши трагедиллӗ пулмарĕ. Кашни мероприяти — пирӗн лоббистла майсене пула тӑпӑлтарса кӑларни вӑл, кашни мероприятие усӑ кӳрет, пирӗн республика ҫинчен калаҫаççĕ. Фольклориада та усӑ кӳчӗ - 37 ҫӗршывран килчӗç, туслӑх уявӗ пулчĕ. Тӗнче чемпионачӗ те - 55 ҫӗршывран килнӗ, пин-пин малай пӑхрĕ, ку вӑл спорта аталантарасси кӑна. WorldSkills — ку та професси пӗлӗвне аталантарасси тĕлĕшпе пысӑк пӗлтерӗшлӗ.
Марина ИВАНОВА.