Иртнӗ шыва кӗмелли сезонра Пушкӑртстанра миҫе ҫын путни паллӑ

Пушкӑрт ЧС патшалӑх комитечӗн председателӗ Фарит Гумеров республикӑри районсен оперативлӑ штабӗсен ертӳҫисемпе канашлура 2022 ҫулхи шыва кӗмелли сезона пӗтӗмлетнӗ. Вӑл каланӑ тӑрӑх, ҫак тапхӑрта 84 ҫын, ҫав шутра 10 ача, путнӑ. Шыв ҫинчи трагедисен тӗп сӑлтавӗсем — шыва кĕмелле мар вырӑнсенче ӳсӗрле шыва кӗни тата ачасене асӑрхамасӑр хӑварни.
Фарит Гумеров кӑҫал, профилактика ӗҫне тата пӗрле ӗҫленине пула, Пушкӑртри шыв объекчӗсенче шыва путнӑ ҫынсен шутне чакарма тата 247 канаканăн, ҫав шутра 67 ачан пурнӑҫне ҫӑлма май килнине палӑртнӑ.
"Башинформ" информацийĕпе.
Сăнӳкерчӗкĕ: Ксения Калинина.