Ҫул-йӗр паллисен ҫӗршывӗнче!

Пишпÿлекри «Журавушка» ача сачӗн «Смешарики» хатӗрлев ушкӑнӗнче Çул-йӗр паллисен ҫӗршывӗнче заняти иртнӗ.

Ачасем воспитательпе пӗрле светофор пӑхнă, унӑн сигналӗсем мӗне пӗлтернине аса илнӗ, ҫул-йӗр правилисем ҫинчен тупмалли юмахсене те чухланӑ. Ҫавӑн пекех ачасем ӳкерчӗксене пӑхса тухнӑ, ҫул-йӗр паллисем мӗнле пулнине, вӗсем мӗн тума кирлине сӳтсе явнӑ.

Сӳтсе явнӑ хыҫҫӑн ҫамрӑк художниксем кӑранташӗсене тытнă та хӑйсен ҫул-йӗр паллисене ӳкернĕ. Çап-ҫутӑ та чӑн-чӑнни пекех!

Пӗлӗве ҫирӗплетес тесе ачасем дидактика вӑййисене кӑсӑкланса хутшӑннӑ, ҫул урлӑ тӗрӗс каҫма, урамра хӑйсене тытма вӗреннӗ.

Ашшӗ-амӑшӗсем валли вара ҫул-йӗр правилисене пӑхӑнса памяткӑсем хатӗрленӗ-килте пӗрле илнӗ пӗлӗве тепӗр хут каласа сӳтсе явма май пултӑр.

Халӗ пирӗн пӗчӗк ҫуран ҫӳрекенсемпе пассажирсем тӗп-тӗрӗс пӗлеҫҫӗ: ҫул-йӗр правилисене пӑхӑнасси — пӗлтерӗшлӗ, усӑллӑ тата пачах кичем мар!

#Детскийсад #ПДД #БезопасностьДетей #ВСтранеДорожныхЗнаков

Сăнÿкерчĕкĕсем: Пишпÿлекри «Журавушка» ача сачĕн социаллă  сетьри страницинчен.

https://vk.com/club210640710