Уфара 15 ҫулти шкул ачине автомобиль рулӗ умӗнче тытса чарнӑ

Уфара право хуралҫисем автомобильпе правасӑр ӗҫлекен черетлӗ ҫул ҫитмен ачана тытса чарнӑ.
Декабрĕн 3-мӗшӗнче ГИБДД ӗҫченӗсем Верность урамӗнче патрульленнӗ вӑхӑтра ВАЗ-2107 автомобиле тимлӗх уйӑрнӑ. Хытӑ калаҫакан ҫыхӑну урлӑ чарӑнса тӑма ыйтнине илтсен водитель аптраса ӳкнӗ те ҫул хӗррине кайса ларнă.
Тӗрӗслев вӑхӑтӗнче руль умӗнче водитель удостоверенийӗсӗр 15 ҫулти ҫамрӑк пулни палӑрнӑ. Ҫамрӑк ҫын ячĕпе РФ КоАПăн 12.7 статйипе (транспорт хатӗрне правасӑр тытса тӑрасси) административлӑ протокол ҫырнӑ. Автомобиле штрафстоянкӑна вырнаҫтарнӑ.
Вырӑна ҫитнӗ шкул ачин ашшӗ-амӑшӗ тӗлӗшпе ҫул ҫитменнисен ӗҫӗсен комиссине пама материалсем пухнӑ. Вӗсене ашшӗ-амӑшӗн тивӗҫӗсене кирлӗ пек пурнӑҫламаншӑн РФ КоАПĕн 5.35 статйипе явап тыттарма пултараҫҫӗ.
Патшалӑх автоинспекцийӗ ача ҫул-йӗр лару-тӑрӑвне ҫителӗклӗ хаклама, хӑвӑрт йышӑнусем тума пултарайманни, хӑйшӗн те, ҫул-йӗре хутшӑнакан ытти ҫыншӑн та хӑрушлӑх кӑларса тӑратни пирки аса илтерет. Ашшӗ-амӑшне тата водительсене ҫул-йӗр ҫинчи хӑрушсӑрлӑхшӑн харпӑр яваплӑх пуррине асра тытма, ҫул-йӗр правилисене ҫирӗп пӑхӑнма сӗнеҫҫӗ.
Сӑнӳкерчӗкĕ: Уфари Патшалӑх автоинспекцийӗ.

https://mgazeta.com/news/novosti/2025-12-04/v-ufe-zaderzhali-15-letnego-shkolnika-za-rulem-avtomobilya-4493432