Уфара правасӑр водителӗн 6 млн тенкӗлӗх автомобильне конфискациленӗ

Уфари Орджоникидзе районӗн сучӗ водитель правасăр машинӑна системӑллӑ тытса пыракан 44 ҫулти вырӑнти ҫын тĕлĕшпе айӑплав приговорӗ йышăннӑ. Штрафсӑр пуҫне арҫын 6 миллион ытла тенкӗлӗх премиаллă минивэнне ҫухатнӑ, ӑна патшалӑх тупӑшне конфискациленӗ.
Пушкӑртстан прокуратурин пресс-служби пӗлтернӗ тӑрӑх, инцидент 2024 ҫулхи юпа уйӑхӗнче пулса иртнӗ. Арҫынна ГИБДД ӗҫченӗсем Voyah Dream автомобиль рулӗ умӗнче чарнӑ. Тӗрӗслев ӑна ҫакнашкал йӗркене пӑснӑшӑн — водитель удостоверенийӗсӗр транспорт хатӗрне тытса пынӑшӑн пӗрре мар административлӑ майпа явап тыттарнине кӑтартнӑ.
Судра айӑпланакан хӑйӗн айӑпне йышӑннӑ. Суд унӑн ӗҫӗсене уголовлӑ статьяпа (РФ УК 264.3 статйин 1-мӗш пайӗ) квалификациленӗ, 150 пин тенкӗлӗх штраф тӳлеттернӗ. Ҫавӑн пекех арҫынна транспорта тытса пырассипе ҫыхӑннӑ ӗҫ-хӗле 1 ҫул та 6 уйӑхлӑх пурнӑҫлама ирӗксӗр хӑварнӑ.
Чи хаяр виҫе — автомобиле конфискацилесси. Суд суту-илӳ хакӗ 6 миллион тенкӗрен иртекен Voyah Dream преми минивэнне туртса илсе патшалӑх харпӑрлӑхне ҫавӑрма йышӑннӑ.

ПР прокуратури пӗлтернӗ тӑрӑх.
https://mgazeta.com/news/novosti/2025-12-10/v-ufe-u-voditelya-bez-prav-konfiskovali-avtomobil-za-6-mln-rubley-4500587