Пӑслӑкра "Чӗнтӗр ҫип" пултарулӑх куравӗ ӗҫлет

Пӑслӑкри нумай функциллӗ культура центрӗнче Халӑх пӗрлӗхӗн кунне халалланӑ "Чӗнтӗр ҫип" пултарулӑх куравӗ йӗркеленӗ. Курава Татьяна Александровна Чернован ӗҫӗсене тӑратнӑ: чӗнтӗр салфеткӑсем, ҫыхнӑ калӑпӑшлӑ хитре вазӑсем, алтӑрсем, кружкӑсем, виткӗҫпе минтерсем,ҫавӑн пекех ӑшӑ ҫӑм нускисемпе тапочкӑсем, шлепке.

"Ҫын пултаруллӑ пулсан, вӑл пур ӗҫре те талантлӑ!"— теҫҫӗ халахра. Татьяна Александровна — ун пек ҫынсенчен пӗри. Вӑл Пӑслӑкри нумай функциллӗ культура центрӗнче ӗҫлет, ӗҫчен те тирпейлӗ. Татьяна Александровна "Ҫӑлкуҫ" чӑваш халӑх фольклор ансамблӗнче юрлать, ҫавӑн пекех унӑн тепӗр хобби те пур - крючокпа ҫыхни. Вӑл нумай пулмасть кӑна ҫак ӗҫпе кӑсӑкланма пуҫланӑ пулин те, унӑн чӑн-чӑн шедеврсем пулаҫҫӗ.

Пӑслӑкри нумай функциллӗ культура центрӗн ВК страницинчен.