Уфара WorldSkills Russia – 2021 Нацфинал чаплӑн вӗҫленнӗ

Хупмалли церемони Конгресс-холăн амфитеатрĕнче иртнӗ.

Унта Раҫҫей вӗренӳ министрӗ Сергей Кравцов, Пушкӑртстан Пуҫлӑхӗ Радий Хабиров, Раҫҫей наукӑпа аслӑ вӗренӳ министрӗн заместителӗ Айрат Гатиятов, Раҫҫей Президенчӗн общество проекчӗсем енӗпе ĕҫлекен Управленийӗн начальникӗн заместителӗ Александр Журавский тата професси ӑсталӑхне (Ворлдскиллс) аталантармалли Агентствӑн генеральнӑй директорӗ Роберт Уразов хутшӑннӑ.

Савӑнӑҫлӑ церемоние 76 регионти ялавсен парачĕ уҫнӑ, вӗсен представителӗсем WorldSkills Russia – 2021 Нацфинала хутшӑннӑ.

Раҫҫей вӗренӳ министрӗ Сергей Кравцов Нацфинал питӗ ҫӳллӗ шайра пулнине тата республикӑпа ҫӗршыва пӗтӗмӗшле аталантарма пулӑшнине палӑртрӗ. Радий Хабиров чемпионата хутшӑнакансене пурне те ӑшшӑн саламларӗ, ку мероприятире выляса янисем ҫуккине палӑртрӗ, мӗншӗн тесен пурте - чӑн-чӑн профессионалсем. Раҫҫей наукӑпа аслӑ пӗлӳ министрӗн заместителӗ Айрат Гатитов Пушкӑртстан Пуҫлӑхӗн идейине — Уфана WorldSkills чемпионачĕн ҫурчӗ тумаллине ырланӑ.

Мускав сборнăйĕ пӗтӗм конкурсантсене кая хăварса пĕтĕмĕшле зачечӗн пӗтӗмлетӗвӗсем тӑрӑх абсолютлӑ чемпион пулса тӑчӗ. Пӗрремӗш вырӑна Тутарстанри ачасем йышӑнчӗҫ. Иккӗмӗшне Пушкăртстанпа Санкт-Петербург командисем пайланӑ. Виҫҫӗмӗшӗнче — Мускав облаҫӗ. Палӑртса хӑварар, Пушкӑртстан команди чи нумай ҫын кĕни пулса тӑчӗ - унта 280 конкурсант тата 218 эксперт кӗчӗҫ.

Сцена ҫинче куракансем валли «Голос. Дети-2» телепроекта хутшӑннă Мария Мирова, уфасен «Аргымак» тата Dabro ушкӑнӗ пулнă. Церемоние фейерверк вӗҫленӗ.

 «МГ» информацийĕпе.

#WorldSkillsRussia #Нацфинал2021 #НацфиналУфа