Кĕнеке кăларас ĕçе сÿтсе явнă

Мускавра иртнĕ IBBY Пĕтĕм тĕнчери 37-мĕш конгреса тĕрлĕ çĕршывра кĕнеке кăларас ĕçре тăрăшакан ăстасем пуçтарăннă.

Ача-пăча литературипе вулавĕн тĕнче шайĕнчи мероприятийĕ харăсах онлайн тата офлайн мелĕпе иртнĕ. Чăваш республикинчен унта Чăваш кĕнеке издательствин ача-пăча литературин ертсе пыракан редакторĕ Ольга Федорова хутшăннă. Ăна IBBY-2020 Хисеплĕ списокне кĕртнĕ, хальхинче çавна çирĕплетекен Дипломпа чысланă.

Конгресс ĕçĕнче тĕрлĕ çĕршыв кĕнекеçисем хăйсем патĕнчи ача-пăча литературин лару-тăрăвĕпе паллаштарнă. Ольга Леонидовна та чăваш кĕнеки çинчен каланă. Пĕр-пĕрин опычĕпе паллашни малашнехи ĕç-хĕле тухăçлăрах йĕркелеме май парать.

"Хыпар" информацийĕпе.