Аннесене уявпа саламланă

Ситекпуçĕнче «Тӗнчене тытса пыракан хӗрарӑм» уяв концерчӗ иртнӗ.

Пирӗн ҫӗр ҫинчи ангелсене, пире сыхлакансене — аннесене халалланӑ. Уявпа Пишпӳлек ял тӑрӑхӗн администрацийӗн пуҫлӑхӗ Александр Семенов тата районти Чăвашсен канаш членӗ Олег Рузаков саламланă, вăл хуҫалӑх ятĕнчен чи ҫамрӑк тата чи ватӑ амӑшне парне панă.

"Берегиня" юрӑҫсен ушкăнĕ, "Тӑванлӑх" фольклор коллективĕ, "Отражение" театр коллективĕ концерта илемлетнĕ. Уяв каҫне ертсе пыракансем куракансемпе вӑйӑсем тата викторина ирттернĕ.

Сăнÿкерчĕкĕ: Ситекпуçĕнчи культура çурчĕн социаллă сетьри страницинчен.