Пишпÿлекри театр фестиваль лауреачĕ пулса тăнă

Пишпӳлекри Культура керменӗнчи халӑх драма театрӗ "Тамаша" театр коллективӗсен Республика фестивалӗн лауреачӗ пулса тӑнă.

Балтачă районӗнче Фардуна Касимован призне илессишĕн "Тамаша" театр коллективӗсен фестивалӗ вӗҫленнӗ.

Пишпӳлекри Культура керменӗнчи чӑваш халӑх драма театрӗ Галина Алексеева ертсе пынипе иккĕмĕш степень Лауреат дипломне тата Ситекпуçĕнчи "Сăнлăх" Чӑваш халӑх театрӗ Инна Никифорова ертсе пынипе фестивале хутшӑнакан дипломне илнĕ.

Мероприятие халӑх театрӗсен йӑли-йӗркине упраса хӑварас тата аталантарас тӗллевпе, театр искусствин тӗрлӗ енӗсемпе жанрӗсенче пултарулӑх ӗҫӗсен чи лайӑх ӗҫӗсене тупса палӑртас, хальхи театр процесӗн тенденцийӗсене палӑртас тата республикӑри пӗр культура анлӑхне ҫирӗплетес тӗллевпе ирттернӗ.

Пишпÿлекри Культура керменĕн социаллă сетьри страницинчен.