Йăлпăлаксем çурхи уява палăртрĕç

Яланхи ырă йăлапа Йăлпăлак клубĕнче Мартăн 8-мĕшне чысланă концерт иртрĕ.

Ял-йыша уявпа саламлама Пишпÿлек ял Совет пуçлăхĕ Александр Семенов та килсе çитнĕччĕ. Концерта пуçарса хатĕрлекенĕсем Ирина Васильева ертсе пыракан "Çуркунне" юрă коллективĕ. Хăйпултарулăх артисчĕсем халăха вырăс тата чăваш юррисемпе савăнтарчĕç. Кулăшла сценкăсем те хатĕрленĕ. Ачасем ку чухнехи ташă флэшмобĕ тата чăвашла сценка кăтартрĕç. Ирина Константинова чаплă сăвăсем вуларĕ. Уяв концертне Олеся Михайлова ертсе пычĕ, вăлах халăхпа тĕрлĕ вăйăсем ирттерчĕ, унта хутшăнакансене парнесем парса савăнтарчĕç.

Ял халăхĕн ятĕнчен концерт хатĕрлеме хутшăннисене пурне те тав тăватпăр. Эсир пире çурхи кăмăл-туйăм парнелерĕр. Олеся Михайлована, Ирина Юлдашевана, Людмила Гаврилована, Татьяна  Шарипована, Ирина Васильевана, Алексей Васильева, Ирина Константинована, Зинаида Иванована, ачасене - Катя Егорована, Ангелина Афанасьевана, Сабрина Михайлована, Ксения Генералована тавтапуç. Сценăна илемлетнĕ Наталья Федоровна Николаевана та палăртса хăварас килет.

Марина ИВАНОВА.

Сăнÿкерчĕкĕсем: Алексей ВАСИЛЬЕВ.