Конкурс чи пултаруллă чăваш çамрăкĕсене пухрӗ

Чӑваш эстрада юррине юрлакансен "Шăпчăк сасси-2022" Регионсен хушшинчи конкурсӗ яр-уҫҫӑн та анлӑн иртрӗ.

Чӑваш эстрада юррине юрлакансен "Шăпчăк сасси" конкурс 2001 ҫулта Пишпӳлек районӗнче ҫуралнӑ. Конкурс йӑлана кӗчӗ те икӗ ҫулта пӗрре иртет. 2014 ҫултан пуҫласа 2019 ҫулччен конкурс Стерлитамак хулинче иртнӗ. Акӑ 2020 ҫултанпа "Шăпчăк сасси" хӑйӗн историллӗ ҫӗршывне — Пишпÿлек районне таврӑннӑ, унта чи ҫутӑ, талантлӑ, ҫамрӑк юрӑҫсене каллех пуҫтарнӑ.

Пуш уйӑхӗн 19-мӗшӗнче иртнĕ гала-концерта 27 ҫамрӑк та пултаруллă тата професси эстради юрӑҫине (14 ҫултан пуҫласа 35 ҫул таран) Пушкӑртстан республикин тӗрлӗ кӗтесӗнчен, ҫавӑн пекех Тутарстан тата Чӑваш Республикисенчен килнӗ. Конкурс шайӗнче Чӑваш Республикин халӑх артисчӗ Людмила Семенова, Пушкӑртстан тата Чӑваш Республикин культурӑн тава тивӗҫлӗ ӗҫченӗ Галина Кириллова, пӗтӗм Раҫҫейри нумай конкурссен лауреачӗ Екатерина Емельянова хӑйсен пултарулӑхӗпе пӗлӗвне конкурса хутшӑнакансене паллаштарчĕç, мастер-класс пачĕç.

Конкурс пӗтӗмлетӗвӗсем тӑрӑх вокал конкурсӗн дипломанчӗсем: виҫҫӗмӗш степень лауреачӗ — Василиса Павлова (Тутарстан Республики), иккӗмӗш степень лауреачӗ — Александр Чернов (Мелевĕспуç ялĕ, Пишпÿлек районĕ), пӗрремӗш степень лауреачӗ — Анжелика Еремеева (Тутарстан Республики), Гран-при Кристина Суслова (Стерлитамак хули) пулса тӑчӗç. Кристина Суслова Чӑваш эстрадӑпа фольклор "Сарпи" ансамблӗн Стерлитамакри патшалӑх театрпа концерт пӗрлешӗвӗн солистки шутланать.

— Эпӗ пушкӑрт, чӑваш ансамблӗнче юрлатӑп. Нумаях пулмасть Стерлитамак филармонин "Сарпи" професси коллективне хутшӑнтăм. Эпӗ пушкӑрт пулнӑшӑн, чӑваш ансамбльне сцена çине халăх умне кӑларнăшăн мăнаçланатӑп. Конкурса йӗркелени, хутшӑнакансене мĕнле пӑхни мана питӗ килӗшрӗ, — пĕлтерчӗ Кристина.

— Пуçласа 2020 ҫулта ҫак конкурса хутшӑнтăмăр. Кӑҫал та хутшӑнакан дипломне кӑна илтӗмӗр. Анчах та ҫакӑ пире малалла утма хавхалантарать. Ҫак конкурсра уйрăм туйӑмсем мана яланах тултараҫҫӗ. Ҫав тери хавхаланса Пишпÿляке пыратпӑр. Унта хутшӑнакансем нумай лайӑх туйӑмсем илеҫҫӗ, ҫакӑ вӗсемшӗн лайӑх опыт. Конкурса йӗркелекенсене пысăк тав, пурте ҫӳллӗ шайра пулчĕ, — каласа пачӗ Ермекей районӗнчи Верхнеулу-Елга ял клубӗн культурганизаторӗ Светлана Артемьева.

Карина ПАВЛОВА.

Сăнÿкерчĕкĕ: Карина ПАВЛОВА.

Тĕплĕнрех «Светлый путь» хаçатра вулăр.