Белорецк районӗнче фильм ӳкерме пуҫланă

Сӑмах "Счастье не за горами" ятлӑ илемлӗ кинокартина ҫинчен пырать.

Пушкӑртстанри Белорецк районӗнчи Кульсугадыташ тӑвӗ ҫинче "Счастье не за горами" художествӑллӑ фильма ӳкерме пуҫланă.

— Пӗрремӗш ӑнӑҫлӑ дубль хыҫҫӑн е пӗрремӗш ӳкерчӗк хыҫҫӑн режиссер камера штативӗсем ҫине персе фильм ятне çырнă турилккене ҫӗмӗрет, — социаллӑ сетьсенче çырнă Белорецк районӗн пуҫлӑхӗ Андрей Иванюта.

Палӑртмалла, фильма ӳкернĕ çĕре 100 ытла ҫынна явӑҫтараҫҫӗ. ПР ЧС Патшалӑх Комитечӗн ҫӑлавҫисем те ҫак ӗҫе хутшӑнаҫҫӗ – вӗсем ту-сӑртпа тайга тӑрӑхӗнчи кӑткӑс сценӑсене ӳкернӗ чухне хӑрушсӑрлӑха тивӗҫтереҫҫӗ.

 «МГ» информацийĕпе.