Пишпÿлекре Пушкăртстан Республикин кунне халалланӑ уяв концерчӗ иртнĕ

Пишпÿлекри Культура керменӗнче "Пушкӑртстан – манӑн чун тата юрӑ!" Пушкăртстан Республикин кунне халалланӑ уяв концерчӗ иртнĕ.
Республикӑн тӗп уявӗпе Пишпÿлек район администрацийӗн пуҫлӑхӗ Артур Мухлисович Зарипов; Пушкӑртстан Республикин Пуҫлӑхӗн официаллӑ представителӗ, Пушкӑртстанри хаксем патшалӑх комитечӗн председателӗ Светлана Николаевна Бурдюк; Пушкӑртстанри Патшалӑх Пухӑвӗн – Курултай депутачӗ, сывлӑх сыхлавӗн, социаллӑ политикӑпа ветерансен ӗҫӗсен комитечӗн председателӗ Салават Фаттахович Харасов саламланă.
Ҫак уяв кун Пишпÿлек районӗнчи чи лайӑх пултарулӑх коллективӗсем хӑнасене хӑйсен ҫутӑ, хӗрӳллӗ юррисемпе ташшисене парнеленĕ.
Пирӗн юратнӑ республикӑна ҫак чаплӑ уяв кунӗнче чечекленӳ, тӑнӑҫлӑх, ырлӑх сунатпӑр! Уяв ячӗпе, хаклӑ тусӑмсем!
Сăнÿкерчĕкĕсем: Пишпÿлекри Культура керменӗн социаллă сетьри страницинчен.