Шкулти лагерьте «Точь-в-точь» ятлӑ чаплӑ шоу пулнă

Пишпӳлекри 1-мĕш вăтам шкулăн «Туслӑх асамат кӗперӗ» кӑнтӑрлахи лагерьте «Точь-в-точь» ятлӑ чаплӑ шоу пулнă, унта ачасем пародилле мелпе сцена ҫинчен хӑйсен юратнӑ музыка юрӑҫисемпе паллаштарнă.

Пур отрядсем те задани илнĕ: юрӑҫа е паллӑ ушкӑна суйласа илсе юрра шӑп та лӑп ҫак паллӑ ҫын тунӑ пек шӑрантармалла.

Пурне те шута илнӗ: юрламалли манер, пӗрешкел сасӑ, артистизм.

«Точь-в-точь» пародисен концерчӗ вӑйӑ-кулӑ кӑна мар, ачасене пӗрлештернӗ, вӗсенчен кашниех пысӑк паттӑрлӑхпа пултарулӑх ҫитӗнӗвӗсем тума пултарнине кӑтартнӑ, асӑнмалӑх самант пулса тӑнă.

Сăнÿкерчĕкĕсем: Пишпӳлекри 1-мĕш вăтам шкулăн социаллă сетьри страницинчен.

https://vk.com/public210652587