Ҫак кун ачасене ӳкерес тата шӑрҫа ҫыхас енӗпе ҫӗнӗ хӑнӑхусем аталантарма пулӑшнă

Пишпÿлекри Ача-пӑча пултарулӑх центрӗн лагерьти кун ҫутӑ та асра юлмалла пулӑмсемпе пуян пулнă. Чи кӗтнӗ мероприятисенчен пӗри — «Смешарики через вселенные» сеанса кинотеатра кайни, вӑл лагере хутшӑнакансен пурин те ырӑ туйӑмсем нумай хӑварнӑ.

Пӑхнӑ хыҫҫӑн ачасем шухӑш-кӑмӑлĕсемпе хастар пайлашнă, сюжета тата кӑмӑла каякан самантсене сӳтсе явнă. Чылайӑшӗ кинотеатра кайни вӗсемшӗн чӑн-чӑн мыскара пулнине палӑртнӑ.

Унтан тутлӑ апат ҫинӗ хыҫҫӑн ачасем Алена Владимировна патне шӑрҫа ҫыхас тата Раиса Анатольевна патне ӳкерес енӗпе ӑсталӑх класӗсене кайнă, унта кашни хутшӑнакан ҫӗнӗ практика хӑнӑхӑвӗсене алла илнӗ: заняти вӑхӑтӗнче ачасем ӗҫӗн тӗп мелӗсемпе паллашнă, задание хӑйсем тӗллӗн пурнӑҫлама пикеннĕ. Ҫавна пула кашнин хӑйӗн пултарулӑх продукчӗ пулса тӑнӑ — ҫакӑ ачасене хӑйсен ӗҫӗн курӑмлӑ кӑтартӑвне курма май панӑ.

Ҫак кун ачасене канма, йӑпанма кӑна мар, ӳкерес тата шӑрҫа ҫыхас енӗпе ҫӗнӗ хӑнӑхусем аталантарма та пулӑшнă.

Сăнÿкерчĕкĕсем: Пишпÿлекри Ача-пӑча пултарулӑх центрăн социаллă сетьри страницинчен.

https://vk.ru/public144264663