Августӑн 9-мӗшӗ — Пӗтӗм тӗнчери кӗнеке юратакансен кунӗ

Тахҫанах сӑнанӑ кӗнекене тинех уҫма е ҫывӑх ҫыннӑма лайӑх истори парнелеме питӗ лайӑх сӑлтав. Тата ҫак куна кӗнекесене юратакансемпе ирттерме!
Пишпÿлекри «Улыбка» ача сачӗн «Почемучки» аслӑ ушкӑнри воспитанниксем шӑпах ҫапла тунӑ та. Кунӗпе ушкӑнра чӑн-чӑн кӗнеке уявӗн атмосфери хуҫаланнă. Ачасем воспитательсемпе пӗрле вуланӑ, пӑхса тухнӑ, сӳтсе явнӑ: асамлӑ юмахсем те, чуна пырса тивекен калавсем те, хаваслӑ сӑвӑсем те, ҫутӑ ӳкерчӗклӗ тӗлӗнмелле энциклопедисем те хута кайнӑ. Кашни кӗнеке ачасен умӗнче хӑйне евӗрлӗ тӗнчине уҫнӑ.
Анчах чи асра юлакан пулӑм — библиотекӑна экскурси.
Унта ачасене кӗнеке патшалӑхӗн чӑн-чӑн фейисем — библиотекарьсем — кӗтсе илнĕ. Вӗсем ачасене тӗлӗнмелле те илемлӗ кĕнеке тӗнчине ӑсатнӑ, унта пин-пин истори, герой тата мыскара пурӑнать.
Тата ачасене пӗлтерӗшлӗ правилӑсем пирки каласа кӑтартнӑ: кӗнекесене мӗнле тĕрĕс суйламалла, библиотекӑра хӑвна мӗнле тытмалла, паллах, кашни кӗнекене мӗншӗн упрани ҫав тери пӗлтерӗшлӗ пулни ҫинчен.
Ачасем тӗрлӗ тӗслӗ кӑларӑмсене питӗ хавхаланса пӑхса тухнă, журналсене уҫа-уҫа пӑхнă, тата сӗтелҫи вӑййисем вылянă, пӗр-пӗрин шухӑш-кӑмӑлĕпе ылмашăннă.
«Эпир — кӗнеке юратакансем!» мероприяти питĕ чаплă иртнӗ. Вӑл пирӗн «почемучкӑсен» тавракурӑмне анлӑлатнă кӑна мар, вӗсене ӑнлану та парнеленӗ: кӗнеке вӑл — перекетлӗ хутшӑнупа уҫӑ чӗрене кӗтекен тус.
Вулӑр, хавхаланӑр, кӗнекесене пӗр-пӗрне парнелӗр! Кашни сӑмахра тӗлӗнтермӗш пурӑнать-ҫке.
#деньзаднем
#УлыбкаБижбуляк

Сăнÿкерчĕкĕсем: Пишпÿлекри «Улыбка» ача сачӗн социаллă сетьри страницинчен.
https://vk.ru/club218299771