Ача-пӑча ӳнер шкулӗн вӗрентекенне тивӗҫлӗ наградӑпа саламлатпӑр

Пишпÿлекри Ача-пӑча ӳнер шкулӗн вӗрентекенӗ Александр Андреев «Пушкӑртстан Республикин тава тивӗҫлӗ культура ӗҫченӗ» хисеплӗ ята тивӗҫнӗ.
Сентябрӗн 17-мӗшӗнче «Башкортостан» Патшалӑх концерт залӗнче патшалӑх наградисене парас церемони иртнӗ. Искусствӑпа ҫутӗҫ енӗпе тава тивӗҫлӗ ӗҫсемшӗн наградӑланисен шутӗнче — Пишпÿлекри Ача-пӑча ӳнер шкулӗн педагогӗ Александр Леонидович Андреев, ӑна «Пушкӑртстан Республикин тава тивӗҫлӗ культура ӗҫченӗ» хисеплӗ ят панӑ.
Александр Андреев чылай ҫул ачасемпе ӗҫлет, хӑйӗн вӗренекенӗсене музыка пултарулӑхне уҫса пама пулӑшать. Унӑн воспитанникӗсем тӑтӑшах пултарулӑх конкурсӗсен лауреачӗсем пулса тӑраҫҫӗ, вӗрентӳ планки пысӑккине тата вӗрентекен хӑйӗн ӗҫне парӑннине ҫирӗплетеҫҫӗ.
Александр Леонидовича тивӗҫлӗ наградӑпа саламлатпӑр! Ҫӗнӗ шухӑшсене пурнӑҫа кӗртме ҫирӗп сывлӑх, иксӗлми вӑй-хал тата пирӗн районпа республикӑн культура йӑли-йӗркине упраса хӑварас пархатарлӑ ӗҫре малашне те ҫитӗнӳсем тума сунатпӑр.

Сăнÿкерчĕкĕсем: Пишпӳлек район администрацин социаллă сетьри страницинчен.
https://vk.ru/officialbiz