Хаçат çырăнакансем хастарлӑх кӑтартрĕç

Июлӗн 7-мӗшӗнче район хаҫатне 2022 ҫулхи иккӗмӗш ҫур ҫула çырăнакасен хушшинче парнесем вылятрăмăр.

Йăлпăлакри А. Зубарева тӗп парнене — мантоварка тивĕç пулчĕ! Ытти 25 выляса илнӗ билетпа Пишпÿлекре тата ытти ялсенче пурӑнакансем утиял, сӗткен ямалли вазăсем, столовӑй наборсем, подноссем, салатниксем, сахӑр савӑчӗсем, консервӑламалли хупӑлчасем тата ытти те выляса илчĕç. Ку хутӗнче вылява 194 квитанци хутшӑнчĕ.

Ҫӗнтерӳҫӗсене палӑртмалли пӗртен-пӗр критери телейлĕ самант пулчĕ. Ҫак телей черетлĕ хут Пишпÿлекри Валерий Александрова пÿрчĕ.

— Ӗмӗр тӑршшӗпех хаҫат ҫырӑнса илетпӗр, атте-анне те ӑна ҫырӑнса илнӗ. Ӑна пӗтӗм кил-йышӗпех савӑнсах вулатпӑр. Ӗлӗк пире хаҫата киле илсе пыратчӗҫ, халӗ альтернативлӑ ҫырăнма йышӑнтӑмӑр, редакцине хаҫат илме пыратпӑр. Хаҫат çырăнса кашнинче тенӗ пекех мӗн те пулин выляса илетӗп, те ӑнӑҫу, те ӑнсӑртран пулнӑ ӗҫ çакă. Ман списокра халӗ сахӑр савӑчӗ пур, — пӗлтерчӗ Валерий Александров.

Пирӗн хаçата çыранса илекенсем хушшинче парне илнин итогӗсем çапла. Тӗп парнене Йăлпăлакри А. Зубарева выляса илчӗ. Ҫавӑн пекех Пишпÿлекри Р.Г. Иванова, Ф.Ф. Каримов, Л.А. Кудряшова, Л.И. Фомина, Л.Н. Исаева, М.С. Галимуллина, В.И. Зиязетдинова, М.Г. Шарипов, М.С. Шугаипов, И.Т. Валиуллин, М.П. Чижиков, Кăрканти М. Фазуллина, Р. Ярмиева, Михайловкăри Г.П. Макарова, В.Н. Иванов, Л. Алексеева, Йăлпăлакри Г.Д. Михайлова, С.Ф. Андреев, А.Е. Иванова, В.А. Васильева, "Энергосервис" коллектив (Пишпÿлек), Ситекри А. Гильдеев парне илĕç. Парнене илес тесен редакцие килмелле, паспорт, СНИЛС, ИНН хăвăрпа пулмалла.

Карина ПАВЛОВА.

Сăнÿкерчĕкĕ: Карина ПАВЛОВА.

Пишпÿлекри Валерий Александров черетлĕ парне выляса илчĕ.