13 тата 14 ҫулти ҫамрӑксене Пушкӑртстанра наркотик сарнӑшӑн тытса чарнӑ

Ҫу уйӑхӗн 23-мӗшӗнче Нефтекамскра ОМВД патрульпе пост службин ӗҫченӗсем наркотӗрӗслевре ҫул ҫитмен икӗ ачана, 13 тата 14 ҫултисене, тытса чарнӑ. Ҫамрӑксем гараж кооперативӗсенчен пӗринче шанчӑксӑр хӑтланнипе полицейскисен куç умне лекнĕ.

Тӗрӗслев вӑхӑтӗнче 13 ҫулти шкул ачин синтетика наркотиклӑ япалаллӑ 16 тӗрке тупнӑ. Тытса чарнӑ ҫынсен телефонӗсене тишкерни Нефтекамск тӑрӑх тунӑ 19 вӑрттӑн вырӑн-закладка геолокациллӗ сӑнӳкерчӗксене тупса палӑртнӑ. Пакетсене пурне те следстви-оперативлӑ ушкӑн туртса илнӗ.

Пӗчӗк наркозакладчик 2026 ҫул пуҫламӑшӗнче ҫӗнӗ велосипед валли ӗҫлесе илес тесе мессенджерта ӗҫ шыранине каласа кӑтартнӑ. Вӑл «юр тасатасси» пирки пӗлтернине хуравланӑ, анчах ӑна «тавара ҫӗклеме», «шанчӑклӑ вырӑнсене сарма» 5—10 пин тенкӗ сӗннӗ. Сӑмах мӗн пирки пынине ӑнлансан ҫамрӑк малтан килӗшмен, анчах тепӗр уйӑхран ҫапах килӗшнӗ. Пуш уйӑхӗн вӗҫӗнче вӑл пысӑк закладка координачӗсене илсе «вӗрентӳ» витӗр тухнӑ, кайран ӑна сарнӑ. Ҫапла вӑл хӑйпе пӗрле чӗннӗ 14 ҫулти тусӗпе пӗрле тытса чариччен «тӳлевшĕн ӗҫлеме» пӑрахман.

Икӗ шкул ачи те ӑнӑҫлӑ ҫемьесенчен, вӗсен ашшӗ-амӑшӗ  ачасен ӗҫӗ-хӗлӗ пирки пӗлмен. Ҫул ҫитменнисене учета тӑратнӑ, наркотиксем сарнӑ фактпа вӗсем тӗлӗшпе процессуаллӑ йышӑну тӑвӗҫ.

Ҫӑлкуҫ, сӑнӳкерчӗкĕ: ПР МВД пресс-служби.

https://mgazeta.com/news/novosti/2026-05-25/podrostki-13-i-14-let-zaderzhany-za-rasprostranenie-narkotikov-v-bashkirii-4697920