Пушкӑртстанра пилӗк наркозакладчика тытса чарнӑ

Раҫҫей МВД Стерлитамак хула управленийӗн наркотик ҫаврӑнӑшне тӗрӗслекен пай ӗҫченӗсем хула урамӗсене патрульленӗ май вырӑнти пилӗк ҫынна тытса чарнӑ. Вӗсене вӑйлӑ витӗмлӗ япаласен саккунсӑр ҫаврӑнӑшне хутшӑннӑ тесе шутлаççĕ, пӗлтерет Пушкӑртстан следстви комитечӗн пресс-служби.
Ҫак граждансен хӑтланӑвӗ правӑна сыхлакансене шанчӑксӑр пек туйӑннă. Харпӑр хӑй тӗрӗсленӗ чухне тытса чарнӑ пилӗк ҫыннӑн та полимер пакечӗсем тата порошоклӑ тытăмлă кӗленче колбӑсем туртса илнӗ. Специалистсен пӗтӗмлетӗвӗпе килӗшӳллӗн, туртса илнӗ япала наркотик хатӗрӗ шутланать. Туртса илнин пӗтӗмӗшле йывӑрӑшӗ 45 грамм ытла пулнӑ, ку пысӑк виҫене пӗлтерет.
Тытса чарнисем тӗлӗшпе следстви пайӗ наркотиксен саккунсӑр ҫаврӑнӑшӗ пирки уголовлӑ ӗҫсем пуҫарнӑ.
Хальхи вӑхӑтра уголовлӑ ӗҫсемпе тытса чарнисен саккуна хирӗҫле ӗҫ-хӗлӗн мӗнпур эпизодне, ҫавӑн пекех хула территорине наркотик килме пултаракан каналсене палӑртма пулӑшакан оперативлӑ следстви мероприятийӗсем ирттереҫҫӗ. Фигурантсене тӗрмене хупмалли мера суйлас ыйтӑва татса параҫҫӗ.
Сӑнӳкерчӗкĕ: архив / «Башинформ» ИА.
https://www.bashinform.ru/news/law/2026-06-24/v-bashkirii-zaderzhali-pyat-narkozakladchikov-4657673