Пушкӑртра пурӑнакан ҫынна наркотиксен пысӑк партипе тытса чарнӑ

«Мак» оперативлӑ профилактика мероприяти вӑхӑтӗнче Янаул районӗнчи уголовлӑ шырав ӗҫченӗсем вырӑнти 36 ҫулти арҫынна тытса чарнӑ. Харпӑр хӑй тӗрӗсленӗ чухне арҫыннӑн ӳсен-тӑран япали тултарнӑ пакет тупнӑ.
Тытса чарнӑ ҫын наркотика пӑрахӑҫа тухнӑ фермӑра хӑйне валли ӗҫме пуҫтарнине ӑнлантарнă, мӗншӗн тесен унӑн эрех-сӑра валли укҫа-тенкӗ пулман. Вӑл япалана сутма шутламанни пирки ҫине тӑнă. Пушкӑртстан Республикинчи МВД Экспертпа криминалистика центрӗн эксперт пӗтӗмлетӗвӗпе килӗшӳллӗн, туртса илнӗ япала пӗтӗмӗшле 128 грамм таякан каннабис шутланать, ку пысӑк виҫе тесе хаклаҫҫӗ. Ку фактпа «Наркотик хатӗрӗсене саккунсӑр майпа туянни, упрани, турттарни, хатӗрлени, тирпейлени» статьяпа уголовлӑ ӗҫ пуҫарнӑ. Иккӗленекен тӗлӗшпе тухса кайманни пирки ҫырӑнтару евӗр чару мерине суйланӑ.
https://mgazeta.com/news/novosti/2026-08-20/zhitel-odno-iz-rayonov-bashkirii-zaderzhan-s-krupnoy-partiey-narkotikov-4787523