Ситекпуç ялĕнчи клуб нацпроекта пула ҫӗнелет

"Культура" наци проектне тӗпе хурса хатӗрленӗ "Культура хутлӑхӗ" федераци проектне пурнӑҫланӑ шайра Ситекпуçĕнчи Культура çуртĕнче тӗпрен юсас ӗҫ вӗҫленсе пырать. Рабочисен бригади кӗмелли ушкӑнӑн колоннине металосайдингпа туллатса пӗтерет. Ҫуртăн тулашӗнчен металлоконструкцисене сӑрласа ӗҫӗсене тӑваҫҫӗ, çурт никӗсне çĕнетес ӗҫ те пĕрле пырать.

Нацпроекта пурнӑҫласси тӑватӑ уйӑха яхӑн пырать, паянхи куна пирӗн ҫӗнетнӗ кульутра ҫурчĕ пур. Строительсем питӗ тӑрӑшса ӗҫлерӗҫ, шалти пӗтӗм лаптăка çĕнетес тӗлӗшпе пысӑк ӗҫ турӗҫ, электромонтаж ӗҫӗсене туса ирттерчӗҫ, санузелсем йӗркелерӗҫ. Строительство ӗҫӗсен калăпăшĕ питӗ анлӑ, ял клубӗ куракансене ҫутӑ тикӗс стенасемпе, ҫӗнӗ маччапа, урайпа, чӳречесемпе, алӑксемпе кӗтсе илӗ. Кунсӑр пуҫне ҫурт фасадне туллатрӗҫ, кӗмелли группӑна юсарӗҫ. Инвалид-колясочниксем валли подъемник лартнă.

Ялти культура çурчĕ наци проектне пула ял ҫыннисене пĕр çĕре пухмалли вырӑн пултӑр тесе пӗтӗм услови пулать. Аса илтеретӗп, Ситекпуçĕнче талантлӑ ҫынсем пурӑнаҫҫӗ. Кунта "Берегиня" юрлакансен ушкӑнĕ, икӗ халӑх коллективӗ — "Сăнлăх халӑх театрӗ тата "Тӑванлӑх" фольклор коллективӗ (кӑҫал "халӑх" ята ҫирӗплетрӗ). Физкультурӑпа сывлӑха ҫирӗплетмелли пӗрлешӳ клубӗ пур, ачасем валли занятисем ирттереҫҫӗ. Ситекпуç ҫыннисем Культура çуртне чаплӑн уçасса тата пултарулӑх сезонӗн стартне чăтăмсăр кӗтеҫҫӗ.

Ирина МИХАЙЛОВА.

Сăнÿкерчĕкĕсем: Ирина МИХАЙЛОВА.