#наци проекчĕ
Пушкӑрт Ялхуҫалӑх министерствинче 2023 ҫулта "Агростартап" программӑпа грант илес текенсене суйласа илме конкурс комиссийӗ ӗҫлеме пуҫланӑ. Кун пирки "Башинформа" аграри ведомствин пресс-службинче пӗлтернӗ.
Ларура комисси заявительсен докуменчӗсене программа условийӗсемпе килӗшӳллӗн тӗрӗслет. Ҫитес ларусенче проектсене хӳтӗлесси пулать.
Республикӑра "Агростартап" программӑна пурнӑҫлама укҫа-тенкӗ пӗтӗмӗшле калӑпӑшӗ кӑҫал 95 млн тенкӗпе танлашать.
"Агростартап" грантсене "Вак тата вӑтам предпринимательлӗх субъекчӗсен акселерацийӗ" регионти проект тӑрӑх Раҫҫей Президенчӗ Владимир Путин хушнипе туса хатӗрленӗ вак тата вӑтам предпринимательлӗхе пулӑшу памалли наци проекчӗ шайӗнче уйӑраҫҫӗ.
Сӑнӳкерчӗкĕ: Олег Яровиков.