Стерлитамакри Нахимов урамне нацпроект шайӗнче август вӗҫӗнче юсаса пĕтерĕç

#наци проекчĕ

Стерлитамакри Нахимов урамӗнчи юсав ӗҫӗсене "Хӑрушсӑр пахалӑхлӑ ҫулсем" наци проекчӗн шайӗнче тăваҫҫӗ. Урама юсас ĕçсем 18,4 миллион тенкӗпе танлашаççĕ.

Республика правительствин пресс-центрӗ пӗлтернӗ тӑрӑх, ӗҫсем 0,7 километр тӑршшӗ участокра пыраҫҫӗ. Халӗ подрядлӑ организаци тикӗслекен сийсене йӗркелес тӗлӗшпе ӗҫ тӑвать. Унтан рабочисем асфальт витӗмне сараҫҫӗ те термопластикран разметка тӑваҫҫӗ.

ПР транспорт тата ҫул-йӗр хуҫалӑхӗн министрӗн тивӗҫӗсене пурнӑҫлакан Любовь Минакова Пушкӑртстан Пуҫлӑхӗ Радий Хабиров хушнипе регионти ҫул-йӗр ведомстви социаллӑ пӗлтерӗшлӗ объектсем патне илсе пыракан ҫулсене уйрӑмах тимлӗх уйӑрни ҫинчен каласа панӑ. Вӑл Нахимов урамӗпе Стерлитамакра онкологи центрӗпе ача-пӑча поликлиники вырнаҫнине ӑнлантарса панă, ҫавӑнпа хӑрушсӑрлӑха тивӗҫтересси уйрӑмах пӗлтерӗшлӗ. Нахимов урамӗнчи юсав ӗҫӗсене август вӗҫлениччен туса пӗтермелле.

 

Сăнӳкерчӗкӗ: pravitelstvorb.ru сайтран.