Салават хулинче нацпроект шайӗнче ҫӗнӗ светофорсем лартнӑ

#наци проекчĕ

Пушкӑртра ҫул-йӗр хӑрушсӑрлӑхне тивӗҫтересси ҫине уйрӑмах тимлӗ пӑхаҫҫӗ. Ҫул-йӗрпе транспорт инфратытӑмӗн тытӑмӗ кунта чылай пӗлтерӗшлӗ. Ку сферӑри ҫӗнӗ проектсене правительствӑри ятарлӑ отрасль канашлӑвӗсенче – "Транспорт сехечӗсенче" - пӑхса тухаҫҫӗ, вӗсем Пушкӑрт Пуҫлӑхӗ пуҫарнипе тӑтӑшах иртеҫҫӗ.

"Пирӗн территори пысӑк. Пушкӑртстан Раҫҫей Федерацийӗнче автомобиль ҫулӗсен вӑрӑмӑшӗпе иккӗмӗш регион. Ҫавӑнпа транспортпа ҫул-йӗр инфратытӑмӗн ыйтӑвӗсем пирӗншӗн пысӑк пӗлтерӗшлӗ", - палӑртнӑ Радий Хабиров.

Ҫак кунсенче Салават хулинче "Хӑрушсӑр пахалӑхлӑ ҫулсем" наци проекчӗ шайӗнче Первомайская тата Строительсен урамӗсем урлӑ каҫнӑ чухне ҫӗнӗ светофорсем лартнă. Светофор объекчӗсене иртен-ҫӳрен пайӗнчен ҫӳлерех Г-сӑнар стойкисем ҫинче пурнӑҫланӑ, ҫакӑ вӗсене ытларах палӑракан тата функциллӗ тӑвать.

 

 

Сӑнӳкерчӗкĕ: ПР Транспорт министерстви.